വാല്യം 5 | ലക്കം 4 | നവംബര് - ഡിസംബര്
2010 |
ഉമ്മ
കെ.വി. സക്കീര്‍ഹുസൈന്‍
പുക നിറഞ്ഞാല്‍
അടുക്കളയില്‍കാണില്ല ഉമ്മയെ
നനവിനെ ഊതി മന്ത്രിച്ച്‌
അകത്തെ നിശ്വാസം
അടുപ്പോളം ചെല്ലുന്നുണ്ടാകും
ആയുസ്സോളം നീളം കൂടിയ
ചുണ്ടുകളാല്‍.
പിറക്കും മുന്‍പേ
ഉണര്‍ന്നു കാണും
ഉടുമുണ്ടില്ലാത്ത
അയക്കോറ പോലെ
ഉറുമിയിലാടും അടുക്കളയെ ,
എന്നാലും ഇല്ലാത്തതു പെരുപ്പിച്ചു
കത്തിക്കില്ല
എന്‍റെ ഉമ്മ.
വിഭവം നിരന്നാല്‍
ഉള്ളം പിടയുന്നുണ്ടാകും
പഴിയെ
പേടിച്ചു, പേടിച്ചു .
അമ്മിക്കല്ലില്‍ഇഴഞ്ഞ്
അയലില്‍ഉലഞ്ഞു
വെളുക്കാതെ
അലക്കു കല്ലിലും ...
അന്തി പാതിരക്ക്
കിണറ്റു വക്കില്‍
ജീവിത ആഴങ്ങളെ
കരക്കെത്തിക്കാന്‍
ഏന്തി ഏന്തി വലയുന്നുണ്ടാകും .
കെ.വി. സക്കീര്‍ഹുസൈന്‍ -
Tags: Thanal Online, web magazine dedicated for
poetry and literature കെ.വി. സക്കീര്‍ഹുസൈന്‍, ഉമ്മ
