ഹൈക്കുകള്‍

സാജിദാ അബ്ദുറഹ്മാന്‍

അലസിയുരുകുന്നു മേഘങ്ങളില്‍
ഇനിയും പിറക്കാത്ത
മഴഭ്രൂണങ്ങള്‍ ..വന്ധ്യമേഘം
ഭിത്തിയില്‍ തെളിയുന്നു
വികൃതരൂപങ്ങള്‍
ഇരുളില്‍ വെളിച്ചത്തിന്‍ ഭാവനകള്‍ .....
.
ഒരു കുടന്ന ചെമ്പരത്തിപ്പൂവുമായ്
കടലാഴങ്ങളില്‍ മുങ്ങുന്നു
അസ്തമയ സൂര്യന്‍ ..ആത്മസമര്‍പ്പണം ...
അറ്റം കാണാതലയുന്നൊരു
പട്ടം
പൊട്ടിയ നൂലില്‍ തൂങ്ങുന്ന വിധിയുമായ്
മങ്ങിയത്താളുകളിലെ
മഷിയടയാളങ്ങള്‍
കാലം കോറിയ ഓര്‍മകള്‍
സത്യവും മിഥ്യയും
പ്രകൃതിയുടെ നെടുവീര്‍പ്പുകളാക്കുന്നു
മഴയെ ഒളിപ്പിച്ച മേഘങ്ങള്‍

സാജിദാ അബ്ദുറഹ്മാന്‍ - Tags: Thanal Online, web magazine dedicated for poetry and literature സാജിദാ അബ്ദുറഹ്മാന്‍ , ഹൈക്കുകള്‍
ഈ രചയിതാവിന്റെ മുന്‍ലക്കങ്ങളീലുള്ള രചനകള്‍ കാണുക