- എഡിറ്റോറിയല്‍
- എഡിറ്ററുടെ ഇഷ്ടം
- കവിതകള്‍
- എം. എന്‍. ശശിധരന്‍
- എസ്. എന്‍. സന്ധ്യ
- ജ്യോതിസ് പറവൂര്‍
- ജൈനി. എല്‍. പി.
- നന്ദകുമാര്‍ ചെല്ലപ്പനാചാരി
- പാര്‍വ്വതി
- പാര്‍വ്വതി പൂര്‍ണ്ണിമ
- മനോജ് കുറൂര്‍
- മേരിലില്ലി
- രതീഷ് കൃഷ്ണ
- രാജു. കെ. കാഞ്ഞിരാട്‌
- രേഷ്മ
- വി. പി. ഷൗക്കത്ത് അലി
- വിശ്വനാഥ പണിക്കര്‍
- ശ്രീകുമാര്‍ കരിയാട്‌
- ഷംസ് ബാലുശ്ശേരി
- സുനി മാടമ്പി
- സുലോജ് മഴുവന്നിക്കാവ്
- സി. പി. അബൂബക്കര്‍
- ഹരിശങ്കര്‍ കര്‍ത്താ
- കഥകള്‍
- ജീവചരിത്രം
- സെമിനാര്‍
- സ്മരണ
പഥികന്റെ പ്രണയിനി
പാര്‍വ്വതി പൂര്‍ണ്ണിമ
ഏറെ മുന്‍പേ നീ
ഓര്‍മ്മിപ്പിക്കെണ്ടിയിരുന്നു
പ്രതിരോധത്തിന്റെ അനിവാര്യതയും
കെടുതിയുടെ നിര്‍വികാരതയും
ഏറെ മുന്‍പേ നീ
സ്വകാര്യം പറയേണ്ടിയിരുന്നു
വര്‍ഗ്ഗയുദ്ധത്തിന്റെ വീഥികളില്‍
കല്പനയും ചേതനയുമില്ലെന്ന്‍
ഏറെ മുന്‍പേ നീ
ശാഠ്യം പിടിക്കേണ്ടിയിരുന്നു
പുതുയുഗസാമ്രാജ്യങ്ങള്‍ക്ക്
മസ്തിഷ്കം പണയപ്പെടുത്തരുതെന്ന്
ഏറെ മുന്‍പേ നീ
ക്ഷമ പറയേണ്ടിയിരുന്നു
വാഗ്ദാനപട്ടികയിലെ നിറവേറാത്ത
നമ്മുടെ ആഘോഷങ്ങളോട്
ഏറെ മുന്‍പേ ഞാന്‍
സമവായപ്പെടെണ്ടിയിരുന്നു
അശാന്തിയുടെ പ്രയാണങ്ങളില്‍
തളര്‍ന്നടിഞ്ഞ യൌവനത്തോട്
ഏറെ മുന്‍പേ ഞാന്‍
സ്വായത്തമാക്കേണ്ടിയിരുന്നു
മേല്‍ക്കൂരയില്ലാത്ത മനസും
വിലക്കുകളിലാത്ത നടപ്പാതയും
ഏറെ മുന്‍പേ ഞാന്‍
അനുവദിക്കേണ്ടിയിരുന്നു
ഛെദ്ദിക്കപ്പെടെണ്ട ചങ്ങലക്കെട്ടും
എന്റേതാകുമായിരുന്ന ലോകങ്ങളും
ഏറെ മുന്‍പേ ഞാന്‍
അഭിലഷിക്കേണ്ടിയിരുന്നു
കാലഹരണപ്പെട്ട ശരിതെറ്റുകള്‍ക്കകലെ
നമ്മുക്കും ഭ്രമണപഥങ്ങളുണ്ടെന്ന്‍
ഏറെ മുന്‍പേ നാം
നെഞ്ചോടടുക്കെണ്ടിയിരുന്നു
അലയോടുങ്ങാത്ത സമുദ്രവും
അനന്തമായ വിശ്രാന്തിയും
